هالة الدمراوي تكتب:أنت علي موعد مع الزعيم و الملكه !

لا أخفى سعادتى و فرحتى بعودة الشاشه الرمضانيه الثريه الشهيه لنا إن شاء الله بكامل رونقها …
فقد انتهى الزعيم من تصوير مسلسله الرمضاني “فلانتينو” علي خير و لا يفصلنا عن طلته المبهجه الا شهورا قليله …
و باتت النجمه يسرا شبه مستعدة لتصوير مسلسلها الرمضاني “دهب عيره” التى تطل به علي جمهورها الكبير فى مصر و الوطن العربي كله ، طلة إفتقدها بشده محبى الدراما العربيه العام الماضى …
وقد تتخيل أن تخصيصي مقالا لهما فقط دون غيرهما يعد نوعا من التحيز !
وربما تكون علي حق عزيزي القارئ !
أنا اللي بتفرج علي عادل إمام و يسرا ( مع الاحتفاظ بأحلي الالقاب) .. لأنى بحبهم اوى و بيوحشونى جدا من السنه للسنه ..
أنا اللي بتفرج علي عادل إمام و يسرا .. لأنى إتربيت علي وجودهم فى حياتى من خلال أعمالهم القديمه و الجديده !
أنا اللي بتفرج علي عادل إمام و يسرا لأنهم بالنسبه لوجدانى ماضي و حاضر جميل !
أنا اللي بتفرج علي عادل إمام و يسرا لأن إفيهاتهم و حركاتهم متضفره جوه حواراتى مع كل اللي حواليه !
أنا اللي بتفرج علي عادل إمام و يسرا لأنهم كنوز مصريه بجد .. و العالم كله عارف كده .. إحنا بس اللي فى مننا “قلالاة أصل” !
إنا بتفرج علي عادل إمام و يسرا و هفضل أتفرج عليهم بصرف النظر عن مواضيع أعمالهم .. أنا وقعت معاهم من اكتر من ثلاثين سنه عقد حب مدى الحياه !
أنا اللي بأتفرج على عادل إمام و يسرا و ده مش معناه انى مش بحب كل نجومنا الآخرين .. بس حبك لناس معاشرهم سنوات عمرك كله و ما شوفتش منهم غير كل إخلاص و سعاده ، غير حبك لناس عايشين معاك بقالهم كام سنه و ده مش عيب !
أنا اللى بتفرج علي عادل إمام و يسرا مع الشعب العربي كله اللى فاهم و عارف و مقيم قيمة مجرد طلتهم دقائق فى أى مكان أو نظرتهم ثوانى لأى كاميرا !
و أخيرا بقى و ده الاهم :
أنا اللى بأتفرج علي عادل إمام و يسرا لأن ده الوسيله الوحيده اللي ممكن اشوفهم فيه !
أصل أنا مش زيكم واصله و إيدى طايله وبعرف اشوفهم كل يوم و اتكلم معاهم !!!!!
نعم متحيزه لصناع البهجه و لأصل البهجه و للبهجه نفسها متمثلة فى عادل إمام و يسرا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *