شيرين رضا: المهرجانات فن اخترعه المصريين وأرفض قرار منعهم من الغناء

أكدت النجمة شيرين رضا، أنها ضد ثقافة المنع الفني على المهرجانات، قائلة: “أنا ضد المنع حتى المهرجانات وبحب المهرجانات جدا ومضايقة أنهم اتمنعوا وهما غلطوا في حاجات ولكن مش كل واحد يعمل غلطة يأخذ اعدام”.

وأوضحت الفنانة شيرين رضا، خلال حوارها ببرنامج “حبر سري”، مع الاعلامية اسما ابراهيم، على قناة القاهرة والناس، أن المهرجانات فن ابتكره المصريين مثل ما حدث مع الراب في امريكا، مضيفة: “المهرجانات فن احنا المصريين اللي اخترعوه وازاي نمنعه، وده زي الراب اللي موجود في امريكا وبسمع المهرجانات جدا”.

وتابعت: “مفيش حاجة دخيلة علينا في المجتمع المصري وبنقول أي كلام الايام دي وكان في السينما من زمان المايوهات والقبولات والأحضان واحنا بنتقدم ولا بنتأخر، وبعدين السينما المفروض تبقى لكل الناس مش الأشخاص”.

وأكدت رضا، عدم صحة الشائعات التي تزعم ارتباطها بشاب أصغر منها بـ28 عاما، مضيفة: “مش مرتبطة بحد أصغر مني ب28 سنة، ومعنديش وقت للحب وأنا بشتغل طول الوقت ومعنديش مجال في يومي يكفي حد زيادة في حياتي”.

وكشفت شيرين رضا، خلال حوار ببرنامج “حبر سري”، مع الاعلامية اسما ابراهيم، على قناة القاهرة والناس، عن الصفات التي تجذبها في الرجل، قائلة: “اللي يلفت نظري في الراجل أنه يكون بيضحكني، وأنا عندي في يومي حاجات سخيفة كتير وأن يكون في حد بيضحكني حاجة جميلة”.

وكذبت الفنانة شيرين رضا، الشائعات التي تزعم وجود خلافات بينها وبين غادة عادل قائلة” “فى اشاعات بضحك، وأنا وغادة عادل بنعمل فيلم مع بعض اسمه بنات رزق فيلم كوميدي ومش مقاطعين بعض”.

33 thoughts on “شيرين رضا: المهرجانات فن اخترعه المصريين وأرفض قرار منعهم من الغناء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

You cannot copy content of this page